KPMG kynnti ítarlega skýrslu um alþjóðlega jarðvarmageirann á ráðstefnunni um íslenska jarðvarmaklasann. Í skýrslunni er jarðvarmi borinn saman við aðra orkugjafa, bæði endurnýjanlega og hefðbundna orkugjafa. Fjallað er um þá tækni sem notuð er í dag við vinnslu gufu, borun og framleiðslu á rafmagni. Þá er einnig umfjöllun um þau lönd í heiminum sem nýta jarðvarmaauðlindir til rafmagns framleiðslu og helstu leikendur á markaði. Rekstur jarðvarmavirkjana er greindur sem og fjármögnun jarðvarma virkjana. Loks er fjallað um jarðvarmageirann í heild sinni þar sem söguleg þróun er skoðuð og spáð fyrir um þróun markaðarins á næstu árum.