Yfirskattanefnd féllst ekki á að 5. mgr. 119. gr. tekjuskattslaga kveði á um fulla frádráttaraðferð við afléttingu tvísköttunar. Ennfremur hafnaði nefndin því að heimilt væri að miða frádrátt við samanlagðan skatt sem greiddur er erlendis.
Ekki er heimilt að lækka eign í hlutabréfum til stofns til auðlegðarskatts til samræmis við hlutdeild í skattalegu eigin fé.
Tekjur sem unnið var til í Noregi á vegum íslensks vinnuveitanda skattlagðar á Íslandi.
Sjálfstæð skattskylda samlagsfélags felld niður þar sem talið var að stofnun félagsins hafi verið til málamynda gerð í skattalegu tilliti.
Heimild til arðsúthlutunar byggist á þeim reikningsskilum sem lögð eru til grundvallar í ársreikningi.
Löggjöf sem kveður á um slit félags við flutning raunverulegrar framkvæmdastjórnar felur í sér takmörkun á staðfesturétti. Sú takmörkun getur þó verið réttlætanleg.
Tekinn hefur verið upp 3% skattur á arðgreiðslur í Frakklandi.
Hægt er að sækja um fulla endurgreiðslu á afdráttarskatti sem Austurríki hefur lagt á arð.