Details

  • Type: KPMG information
  • Date: 3/7/2013

Framúrskarandi fyrirtæki 2012 

Creditinfo hefur unnið að ítarlegri greiningu sem sýnir hvaða íslensku fyrirtæki fá bestu einkunn í styrk- og stöðugleikamati félagsins. KPMG er á meðal 1% fyrirtækja sem standast kröfur Creditinfo og telst því Framúrskarandi fyrirtæki 2012 og á meðal þeirra fyrirtækja sem efla íslenskt efnahagslíf.

    Af rúmlega 32 þúsund fyrirtækjum sem skráð eru í hlutafélagaskrá sýna 358 fyrirtæki þann styrk í mælingum Creditinfo að verðskulda viðurkenninguna „Framúrskarandi fyrirtæki“.

     

    Vottun af þessu tagi þekkist víða erlendis en á stærri mörkuðum er algengara að skilyrði vottunar séu ekki eins ströng og ákveðið var að setja hér á landi. Að mati Creditinfo er mikilvægara á litlum markaði að draga fram styrkleika fyrirtækja sem birtist í stöðugleika í rekstri fremur en niðurstöðum einstakra rekstrarára. Slíkar kröfur eru líklegri til að undanskilja sveiflukenndan árangur stærri eignarhalds- og móðurfélaga en undirstrika frekar styrkleika fyrirtækja í virkri starfsemi.

    Eftirfarandi upplýsingar eru lagðar til grundvallar á mati Creditinfo um hvort fyrirtæki uppfylli skilyrði styrkleikamatsins:

    • Að hafa skilað ársreikningum til RSK 2009 til 2011
    • Minna en 0,5% líkur á alvarlegum vanskilum
    • Að sýna jákvæðan rekstrarhagnað (EBIT) þrjú ár í röð
    • Að ársniðurstaða sé jákvæð þrjú ár í röð
    • Eignir séu 80 milljónir eða meira árin 2009 - 2011
    • Að eigið fé sé 20% eða meira, rekstrarárin 2009 til 2011
    • Að vera með skráðan framkvæmdastjóra og stjórnarmenn í hlutafélagaskrá
    • Að vera virkt fyrirtæki skv. skilgreiningu Creditinfo